‘नयाँ बर्ष २०६९’ कार्यक्रम सम्बन्धि जानकारी

सधै जस्तै यसपाली पनि विभिन्न सांस्कृतिक एवं मनोरंजनपूर्ण कार्यक्रमका साथमा नेपाली ‘नयाँ बर्ष २०६९’ लाई हर्ष र उल्लासका साथ स्वागत गर्ने अभिप्रायले आउँदो १४ अप्रिल २०१२ (०२ बैशाख २०६९) शनिवारका दिन वेल्स नेपाली समुदाय, कार्डिफले ‘नयाँ बर्ष २०६९’ कार्यक्रम भब्य रुपमा आयोजना गर्दैछ |

राष्ट्रिय सेन्ट डेविड्स दिबसमा हाम्रो सहभागिता र भुमिका

१ मार्च २०१२, बिहीबार, भर्खरै मात्र विभिन्न हर्ष र उल्लासका साथ कार्डिफ काउन्सिलको आयोजनामा “राष्ट्रिय सेन्ट डेविड्स दिबस” भब्य रुपमा सम्पन्न भएको छ। वेल्सको राजधानी कार्डिफमा “राष्ट्रिय सेन्ट डेविड्स दिबस” मनाउन भेला भएका विभिन्न समुदायका जनमानसमा आ-आफ्नो देशको राष्ट्रिय पोशाकले बडो अचम्म लाग्दो रौनक ल्याएको थियो भने हामी वेल्समा छौँ र वेल्सलाई मायाँ गर्छौं भन्दै वेल्सको राष्ट्रिय झन्डा र सेन्ट डेविड्सको झन्डा फर्फराउदै हसिलो मुद्रामा देखिएका सम्पूर्ण जन समुदाय अरु सबै कुरा बिर्सेर आफैमा रमेका देखिन्थे।

“राष्ट्रिय होलोकस्ट सम्झना दिन वेल्स २०१२” मा हाम्रो सहभागिता

२६ जनवरी २०१२ बिहिवारका दिन कार्डिफ काउन्सिलको आयोजनामा “राष्ट्रिय होलोकस्ट सम्झना दिन वेल्स २०१२” भब्य रुपमा सम्पन्न भयो। अंग्रेजी वर्ष १९३३ देखि १९४५ सम्म बिशेषगरि युरोपियन देशमा भएको उक्त भयानक हत्याकाण्ड कहिल्यै बिर्सन नसकिने घटना भएको सबैमा ठहर थियो। बिरलै मात्रामा पाईने मास हत्याकाण्डमा होलोकस्ट हत्याकाण्ड एक थियो भने उक्त हत्याकाण्डमा जम्मा जम्मी ११ मिलियन हत्यामा, ६ मिलियन जिविस जनता र १.१ मिलियन बच्चाबच्ची मारिएको अनुमान छ। नोकरशाही फासिस्ट शासन ब्यबश्थाले गरेको उक्त हत्याकाण्ड जातीय, प्रजातीय, धार्मिक, बैचारिक र राजनीनिक भिन्नता माथिको कहाली लाग्दो धम्कि थियो।

हार्दिक मंगलमय शुभकामना !!!

ईस्वी सम्बतको नयाँ बर्ष २०१२ तथा क्रिसमस २०११ को शुभ उपलक्ष्यमा

वेल्स निवाशी सम्पूर्ण नेपाली दाजूभाई तथा दिदीबहिनीहरुमा

हार्दिक मंगलमय शुभकामना ब्यक्त गर्दै

यस पुनित अबसरमा सम्पूर्ण नेपाली

परिवारको शुख शान्ति एबं

समृद्धिको कामना

गर्दछौं |

वेल्स नेपाली समुदाय, कार्डिफ

कार्डिफमा क्रिसमस सम्बन्धि कार्यक्रम र हाम्रो सहभागिता

६ डिसेम्बर २०११, मंगलबारका दिन क्रिसमस नजिकिदै गरेको बेला कार्डिफ काउन्सिलका लर्ड मेयर डिलम बोवेनको आयोजनामा क्रिसमस सम्बन्धि कार्यक्रम LORD MAYOR’S CIVIC SERVICE OF NINE LESSONS AND CAROLS SERVICE सम्पन्न भएको छ| कार्डिफ काउन्सिल तथा लर्ड मेयरले आयोजना गर्ने प्राय सबै अफिसियल कार्यक्रमहरुमा निमन्त्रणा आउने क्रममा यसपाली पनि निमन्त्रणा प्राप्त भएपछि वेल्स नेपाल समुदायले सहभागिता जनाएको उक्त कार्यक्रम कार्डिफको द सिटि पारिश चर्च मा सम्पन्न भएको थियो| बेलुकी ६.३० मा शुरु भएको उक्त कार्यक्रम विभिन्न रोचक झलकहरुका साथ करिब ७.३० सम्म चली चियापान समारोहमा परिणत भएको थियो|

रिमेम्बरेन्स डे २०११ कार्यक्रम र हाम्रो सहभागिता

कार्डिफ, १३ नोभेम्बर २०११, आईतवारका दिन ब्रिटिश लिजन कार्डिफ र कार्डिफ काउन्सिलको संयुक्त आयोजनामा रिमेम्बरेन्स डे २०११ कार्यक्रम भब्य रुपमा सम्पन्न भयो| उक्त कार्यक्रमको अबसरमा वेल्स नेपाली समुदायको तर्फबाट भुतपुर्ब गोर्खा सैनिक, वहाँका परिवारका सदस्यहरुका साथै अन्य नेपाली दाजुभाई तथा दिदीबहिनीहरुको उल्लेख्य सहभागिता रहेको थियो|

दशैं-तिहार २०६८ कार्यक्रम भब्य रुपमा सम्पन्न

१५ अक्टोबर २०११, व्यापक हर्ष र उल्लासका साथ “वेल्स नेपाली समुदाय, कार्डिफ” को आयोजनामा नेपालीहरुको महान चाडहरु “दशैं–तिहार २०६८” कार्यक्रम भब्य रुपमा सम्पन्न भयो| वेल्सको विभिन्न क्षेत्रमा छरिएर रहनुभएका नेपाली दाजूभाई तथा दिदीबहिनिहरुलाई समेट्दै नेपालीहरुको महान चाडहरु दशैं–तिहार एउटै थलोमा मनाएर बढी भन्दा बढी मनोरंजन दिने उद्देश्यले आयोजना गरिएको उक्त कार्यक्रम सांस्कृतिक टोलीले सामुहिक रुपमा पानस बालेर शुरु भएको थियो|

दशैं-तिहार २०६८ कार्यक्रमका भिडियोहरु

बडा दशैं २०६८ को शुभ उपलक्ष्यमा हार्दिक शुभकामना !

बडा दशैं २०६८ को शुभ उपलक्ष्यमा वेल्स निवाशी सम्पूर्ण नेपाली

दाजूभाई तथा दिदीबहिनीहरुमा हार्दिक मंगलमय

शुभकामना ब्यक्त गर्दै यस पुनित अबसरमा

सम्पूर्ण नेपाली परिवारको शुख शान्ति

एबं समृद्धिको कामना

गर्दछौं |

यस बर्षको दशैं – तिहार कार्यक्रम सम्बन्धि जानकारी

गत वर्षहरु जस्तै यस वर्ष पनि "वेल्स नेपाली समुदाय, कार्डिफ"ले आफ्नो कला र संस्कृतिलाई निरन्तरता दिने र वेल्स निवासी सम्पूर्ण नेपाली दाजू भाई तथा दिदीबहिनीहरुलाई भरपूर्ण मनोरंजन दिने उद्देश्यले यसपालिको दशैं र तिहारको उपलक्षमा विभिन्न सास्कृतिक कार्यक्रमका साथ दशैं-तिहार २०६८ कार्यक्रम भब्य रुपमा मनाउने निधो गरेको छ | यस कार्यक्रममा वेल्स निवासी सम्पूर्ण नेपाली दाजू भाई तथा दिदीबहिनीहरुलाई उपस्थित भई दशैं-तिहार २०६८ कार्यक्रम सफल पार्न सहयोग गरिदिनुहुन र नेपाली चाडको भरपूर्ण मनोरंजन लिनु हुन् "वेल्स नेपाली समुदाय, कार्डिफ" हार्दिक अनुरोध गर्दछ|