नयाँ बर्ष २०७४ मनाउने कार्यक्रम भब्य रुपमा सम्पन्न |

नृत्य प्रस्तुत गर्दै आमा समूह 

नयाँ बर्ष २०७४ साललाई स्वागत गर्ने कार्यक्रम भब्य रुपमा सम्पन्न भएको छ| विभिन्न कार्यक्रमले रंगिएको उक्त नयाँ बर्ष रमझममा आ-आफ्नो वेस्तता लाई थाती राखी वेल्सको विभिन्न ठाउमा बसोबासरत दाजुभाई तथा दिदिबहिहरुको उल्लेख्य सहभागिता रहेको थियो| बर्षमा कहिलेकाही यसरी भेटघाट भएर आफ्नो मातृभूमिलाई सम्झने र नेपाली दाजूभाई तथा दिदीबहिनीहरुलाई भेटघाट गर्ने रोमान्चित मौका पाउँदा सम्पूर्ण उपस्थित दाजूभाई तथा दिदीबहिनीहरु खुशीले गदगद हुनुहुन्थ्यो|

नृत्य प्रस्तुत गर्दैआयुष्मा, सबिना, प्रान्जिल र सिमरन  

नयाँ बर्ष २०७४ मनाउने सम्बन्धि जानकारी

नयाँ बर्षको आगमनले हरेक नेपालीको घर आँगनमा नयाँ जोस, जागर, उत्साह र खुशियालीले प्रबेस गरिरहेको क्षणमा हामी सम्पुर्ण यूकेमा बस्ने  नेपालीहरु पनि यस खुशियालिबाट कदापी बन्चिंत हुन सक्दैनो| हामी नेपालको बिभिन्न ठाउँ बाट आई यहाँ एकै परिवारको रुपमा बसी सबै सामाजिक कामहरुमा एकजुट भई सबै कार्यक्रमहरु सफल बनाउदै आइरहेकोमा यो नयाँ बर्ष २०७४ पनि भब्यताका सफल हुनेछ भन्नेमा हामीले पूर्ण आशा राखेका छौ |

वेल्सको कार्डिफमा तमु ल्हो-छार कार्यक्रम सम्पन्न

वेल्स  / शनिवार ३१ डिसेम्बर २०१६, तमु  समुदाय  कार्डिफको  आयोजनामा तमु ल्हो-छार पर्ब  भब्य  रुपमा  सम्पन्न भयो |श्री अमृत घलेले संचालन गरेका उक्त  कार्यक्रममा आ-आफ्नो सस्कृति  झल्किने  गुरुङ पोशाक र सझी-सजावट  हलमा नेपाली रास्ट्रिय गानबाट  कार्यक्रम सुरु  भएको  थियो | रमाइला नाच,गानका  साथै विभिन्न परीकारका  खान-पिनमा सबै जना मस्त  देखिन्थे  | उदघोसकबाट उपस्थित  सबै जनालाई तमु ल्हो-छारको परिचय ,स्वागतका  साथै सुभकामना व्यक्त गरिएको थियो | तेस्तै गरि नेपाली  समाज वेल्सका  अध्यक्ष  श्री राम चन्द्र पोखरेलले ल्हो छारको शुभकामना  संदेश  दिनु भएको  थियो भने सस्थापक अध्यक्ष  श्री चित्र  बहादुर राई र सदस्य श्री शुक्र राज गुरुङबाट स्वागत  साथै सुभकामना मन्तब्य व्यक्त गरिएको थियो |  तमु  समुदाय  कार्डिफको  निमन्त्रणालाई  सहर्स सुईकारी  पाल्नुहुने नेपाली समाज वेल्सका पदाधिकारी दाजुभाई,दिदिबहिनि तथा  नानिहरु , तेस्तै गरि ब्रेकन र कम्रान बासी तमु दाजुभाई,दिदिबहिनि,अनि नानिहरुको उपस्थितिले अझै सुनमा  सुगन्ध  झई भएको थियो |

क्यान्सर रिसर्च वेल्सको च्यारिटीमा सहभागीता

वेल्स- १४ डिसेम्बर २०१६ बुधबार, The Rt. Hon. The Lord Mayor of Cardiff, Councillor Monica Walsh (द राईट अनरेबल द लर्ड मेयर अफ कार्डिफ, काउन्सिलर मोनिका वाल्स) को बिशेष निमन्त्रणामा नेपाली समाज वेल्सका प्रतिनिधि मण्डल संस्थाका अध्यक्ष श्री राम चन्द्र पोखरेलको नेतृत्वमा लर्ड मेयरको आयोजनामा गरिएको चियापान समारोहमा सहभागी हुनुभयो | भेटका अबसरमा अध्यक्ष श्री पोखरेलले संस्थाका पधाधिकारीहरुको परिचय गराउदै वेल्स सरकारले आयोजना गरेका सबै खालका कार्यक्रममा सहभागी भई रहेको र सधै यसरीनै सहभागी हुने साथै एक आपसमा सदभाबको बाताबरण अझ मझबुत बनाउदै अगाडी बढ्ने प्रतिबद्दता व्यक्त गर्नुभयो | कार्यक्रममा निमन्त्रणा गरि नेपालीहरुको पहिचानलाई आत्मैदेखि सम्मान गरेकोमा  साथै एक आपसमा नजिकिदो बाताबरण तयार गर्ने वेल्स सरकारका साथै लर्ड मेयर मोनिका वाल्सप्रति खुशी ब्यक्त गर्दै संस्थाको तर्फबाट खादा ओडाई मेयरलाई सम्मान गर्नुभयो |  

आर्थिक सहयोग

आदरणीय नेपाली समाज वेल्सका सदस्य तथा शुभ चिन्तक महानुभाबहरु,

नेपाली समाज वेल्सका सदस्य श्री काली बहादुर लिम्बुको धर्म पत्नी श्रीमती जस कुमारी लिम्बुको असमायिक निधन भएको कुरा यहाँहरुमा सर्बबिधितै छ | नेपाली समाज वेल्सको बिधान अनुसार मृतकको अन्तिम संस्कारको लागि मृतकको परिवारलाई २००० पाउण्ड सहयोग गर्ने भन्ने अनुसार मृतकको परिवारलाई सो रकम अथासक्य चांडो जरुरि देखिएकोले र अहिलेको अवस्थामा नेपाली समाज वेल्स आर्थिक रुपमा सबल भईनसकेको हुँदा २० नोवेम्बेर २०१६ का दिन बसेको कार्यसमितिको बैठकले सदस्य तथा शुभचिन्तक हरु बाट सकेको आर्थिक सहयोग संकलन गरि नपुग रकम संस्थाको खाताबाट भरताल गर्ने गरि निर्णय गरिएको व्यहोरा अबगत गराईन्छ | सदस्य तथा शुभचिन्तकहरुबाट ईच्छा र गक्ष अनुसार सहयोगको अपेक्षा गर्दै गाईड लाईन स्वरूप  ३० पाउण्ड र बढीमा आफ्नो स्वेच्छाले जतिपनि सहयोग गर्न सकिने व्यहोरा अबगत गराउन चाहन्छौं | यसै निर्णय बमोजिम सँस्था  यहाँहरु समक्ष सहयोगको लागि हार्दिक अनुरोध गर्दछ|

रिमेम्बरेन्स डे २०१६ भब्य रुपमा सम्पन्न |

आईतवार १३  नोभेम्बर २०१६, रोयल ब्रिटिश लिजनको पार्टनरसिपमा वेल्स गभरमेन्ट र कार्डिफ काउन्सिलको संयुक्त आयोजनामा रिमेम्बरेन्स डे २०१६ भब्य रुपमा सम्पन्न भयो| कार्यक्रमको अबसरमा नेपाली समाज वेल्सको तर्फबाट अध्यक्ष श्री राम चन्द्र पोखरेलकोनेतृत्वमा भूतपुर्ब गोर्खा सैनिक सदस्यहरुका साथै अन्य नेपाली दाजुभाईहरुको सहभागिता रहेको थियो| पहिलो विश्व युद्द देखि एता विभिन्नयुद्दहरुमा देशका लागि सहादत प्राप्त गरेका बीर योद्दाहरुको सम्झनामा मनाईने उक्त कार्यक्रम वेल्सकोराजधानी कार्डिफको सिटी हलपछाडिको एलेक्न्डजेर बगैचामा बिहान ठिक १०.३० बजे शुरु भएको थियो| विभिन्न पोशाक र ब्याण्ड बाजामा सजिएका सहभागीहरु बढोअनुशासनका साथ परेडमा भाग लिएको देखिन्थ्यो | 

दशैं + तिहार २०७३/२०१६ मनाउने कार्यक्रम भव्यरुपमा सम्पन्न भयो

२२ अक्टोबर २०१६, शनिवार, नेपाली समाज वेल्सको आयोजनामा नेपालीको महान चाडहरु दशैं र तिहारको बिचमा पारेर  दशैं + तिहार २०७३/२०१६ मनाउने कार्यक्रम भव्यरुपमा सम्पन्न भयो | बिदेशी भूमिमा रहे पनि आफ्नो संकृतिलाई आत्मसाथ गर्दै समय र परिस्थितिले जहाँ रहेर  जे गरे पनि आफ्नो मातृभूमिको कला र संस्कृतिलाई स्मरण गर्ने धेरै महत्वपूर्ण कार्यक्रमको रुपमा लिइएको यस दशैं+तिहार २०७३/२०१६ कार्यक्रममा वेल्सका विभिन्न क्षेत्रबाट नेपाली दाजूभाई तथा  दिदीबहिनीहरुको सहभागिता रहेको थियो | 

दशैं + तिहार २०७३ मनाउने सम्बन्धि जानकारी

गत वर्षहरु जस्तै यस वर्ष पनि "नेपाली  समाज वेल्स"ले आफ्नो कला र संस्कृतिलाई निरन्तरता दिने र वेल्स निवासी सम्पूर्ण नेपाली दाजू भाई तथा दिदीबहिनीहरुलाई भरपूर्ण मनोरंजन दिने उद्देश्यले यसपालिको दशैं र तिहारको उपलक्षमा विभिन्न सास्कृतिक कार्यक्रमका साथ  दशैं-तिहार २०७३ कार्यक्रम भब्य रुपमा मनाउने तयारी गरिएको छ | यस कार्यक्रममा वेल्स निवासी सम्पूर्ण नेपाली दाजू भाई तथा दिदीबहिनीहरुलाई उपस्थित भई दशैं-तिहार २०७३  कार्यक्रम सफल पार्न सहयोग गरिदिनुहुन र नेपाली चाडको भरपूर्ण मनोरंजन लिनु हुन् "नेपाली समाज वेल्स" हार्दिक अनुरोध गर्दछ|

संस्थाको चौथो महादिबेशन सम्पन्न

१७ सेप्टेम्बर २०१६, शनिवारका दिन संस्थाको चौथो  महाधिबेशन सम्पन्न भयो| संस्थाका तात्कालिन अध्यक्ष श्री मती प्रसाद पुनले अध्यक्षता गर्नुभएको उक्त कार्यक्रम तात्कालिन सचिब  श्री निर लाल मोक्तानले उपस्थित सम्पूर्ण सदस्य महानुभाबप्रति स्वागत तथा धन्यवाद ज्ञापन गर्दै शुरु भएको थियो| संस्थाका सदस्य महानुभाबहरुको उल्लेख्य मात्रामा सहभागिता रहेको संस्थाको  चौथो महाधिबेशनमा तात्कालिन सचिब श्री निर लाल मोक्तान ले संस्थाले तेश्रो अधिबेशन देखि हालसम्म आयोजना गरेका कार्यक्रमहरु, संस्थाले वेल्समा रहेका अन्य सहयोगी संस्थाहरुसंग भाईचारा बढाउने अभिप्रायले सहयोग आदान प्रदान गरेका कार्यक्रमहरु, संस्थाले सदस्य तथा शुभचिन्तक महानुभाबहरुमा आपत विपत पर्दा गरेका सहयोगहरुका बारेमा तथा संस्थासंग आबद्द हुनुहुने सम्पूर्ण सदस्य महानुभाबहरुको विवरण सहितको संस्थाको प्रगति विवरण पेश गर्नुभएको थियो|

समर बार्बिक्यु कार्यक्रम १६ जुलाई २०१६ मा भव्यरुपमा सम्पन्न|

आदरणीय नेपाली समाज वेल्सका सम्पुर्ण महानुभाबहरु,

बिगतका बर्षहरुझैँ यस बर्ष पनि नेपाली समाज वेल्सको आयोजनामा समर बार्बिक्यु कार्यक्रम १६ जुलाई २०१६, शनिवारका दिन आयोजना गरिएको थियो र उक्त कार्यक्रम भव्यरुपमा सम्पन्न भयो | वेल्समा रहनु भएका नेपाली दाजुभाई तथा दिदीबहिनीहरुको भेटघाट र आपसी भलाकुसारी र साथीभाईहरुसंग रम्ने कार्यक्रमको रुपमा लिईएको यस कार्यक्रम Porthkerry Country Park मा आयोजना गरिएको थियो | कार्डिफको भिढ़भाड भन्दा करिब १५ माईल पर बारी आइलैंडको नजिक रहेको पार्क साचिक्कै मनमोहक थियो |