Tuesday, 27 August 2013

चेलीहरुलाई तिजको दर खान निमन्त्रणा

गत बर्षहरु जस्तै यसबर्ष पनि नेपाली चेलीहरुको तिज पर्बको उपलक्षमा वेल्स नेपाली समुदायले चेलीहरुलाई दर खुवाउने कार्यक्रम आयोजना गरेको खबर सुनाउन पाउँदा खुशी ब्यक्त गर्दै उक्त कार्यक्रममा यहाँहरुलाई हार्दिक निमन्त्रणा गरिन्छ | कार्यक्रममा चेलीहरुको लागि निशुल्क प्रबेशको ब्यबस्था मिलाईएको छ | उपस्थितिको लागि कृपया आ आफ्नो नामावली तल उल्लेखित  महानुभाबहरु मार्फत अथासक्य चांडो संस्थालाई उपलब्ध गराईदिनुहुन हार्दिक अनुरोध गरिन्छ |

Saturday, 3 August 2013

संस्थाको बार्षिक अधिबेशन सम्बन्धि जानकारी

वेल्स नेपाली समुदायले संस्थाको बार्षिक अधिबेशन आगामी २४ अगस्ट २०१३ शनिवारका दिन आयोजना गरेको जानकारी गराउदै उक्त बार्षिक अधिवेशनमा उपस्थित हुन् सम्पूर्ण सदस्य महानुभाबहरुप्रती हार्दिक निमन्त्रणा गरिन्छ |
 

Wednesday, 10 July 2013

समर बार्बिक्यु २०१३ कार्यक्रम सम्पन्न

०६ जुलाई २०१३, शनिवार;
गत बर्षहरु जस्तै यस बर्ष पनि वेल्स नेपाली समुदाय, कार्डिफको आयोजनामा समर बार्बिक्यु २०१३ कार्यक्रम भव्यरुपमा सम्पन्न भयो | सेन्ट अल्बान्स रग्बी क्लबको प्राङ्गणमा आयोजना गरिएको उक्त कार्यक्रममा वेल्सका विभिन्न क्षेत्रबाट पाल्नुहुने नेपाली दाजुभाइ तथा दिदीबहिनीहरुको उल्लेख्य उपस्थिति रहेको थियो | यसै अवसर पारेर संस्थाले वेल्समा रहेका नेपाली संस्थासंग भाईचारा  बढाउने उद्देश्यले वेल्स गोर्खा कम्युनिटी, कम्ब्रान संग फ्रेन्ड्ली फुटबल म्याचको आयोजना गरेको थियो |

Sunday, 2 June 2013

समर बि बि क्यु २०१३ कार्यक्रम सम्बन्धि जानकारी

सधै जस्तै यसपाली पनि संस्थाले समर बि बि क्यु कार्यक्रम भब्य रुपमा आयोजना गर्ने निर्णय गरेको छ| काम र अन्य व्यस्ततालाई केहि समय बिर्सिएर नेपाली पनमा रम्ने उद्देश्यले आयोजना गरिएको यस कार्यक्रम पूर्ण रुपमा एकापसमा भेटघाट र शुख-दुखका अनुभब साटासाट गर्ने कोशे ढुङ्गोको रुपमा केन्द्रित रहने छ|

Monday, 22 April 2013

नयाँ बर्ष २०७० कार्यक्रम भब्य रुपमा सम्पन्न


बढो हर्ष र उल्लासका साथ नयाँ बर्ष २०७० साल लाई स्वागत गर्ने कार्यक्रम भब्य रुपमा सम्पन्न भयो| विभिन्न कार्यक्रमले सजिएको उक्त कार्यक्रममा वेल्सका विभिन्न क्षेत्रबाट आउनुभएका नेपाली महानुभाबहरुको सहभागिता रहेको थियो| बर्षमा कहिलेकाही यसरि भेटघाट भएर आफ्नो मातृभूमिलाई सम्झने र नेपाली दाजू भाई तथा दिदी बहिनिहरुलाई भेटघाट गर्ने रोमान्चित मौका पाउँदा सम्पूर्ण उपस्थित दाजू भाई तथा दिदीबहिनीहरु खुशीले गदगद हुनुहुन्थ्यो|

Wednesday, 20 March 2013

‘नयाँ बर्ष २०७०’ कार्यक्रम सम्बन्धि जानकारी

सधै जस्तै विभिन्न सांस्कृतिक एवं मनोरंजनपूर्ण कार्यक्रमका साथमा नेपाली ‘नयाँ बर्ष २०७०’ लाई हर्ष र उल्लासका साथ स्वागत गर्ने अभिप्रायले आउँदो २० अप्रिल २०१३ शनिवारका दिन वेल्स नेपाली समुदाय, कार्डिफले ‘नयाँ बर्ष २०७०’ कार्यक्रम भब्य रुपमा आयोजना गर्दैछ |

Sunday, 3 March 2013

राष्ट्रिय सेन्ट डेविड्स दिबस २०१३ मा संयुक्त सहभागिता


१ मार्च २०१३, सुक्रबार, भर्खरै मात्र विभिन्न हर्ष र उल्लासका साथ कार्डिफ काउन्सिलको आयोजनामा “राष्ट्रिय सेन्ट डेविड्स दिबस २०१३ ” भब्य रुपमा सम्पन्न भएको छ। वेल्सको राजधानी कार्डिफमा “राष्ट्रिय सेन्ट डेविड्स दिबस २०१३ ” मनाउन भेला भएका विभिन्न समुदायका जनमानसमा आ-आफ्नो देशको राष्ट्रिय पोशाकले बडो अचम्म लाग्दो रौनक ल्याएको थियो भने हामी वेल्समा छौँ र वेल्सलाई मायाँ गर्छौं भन्दै वेल्सको राष्ट्रिय झन्डा र सेन्ट डेविड्सको झन्डा फर्फराउदै हसिलो मुद्रामा देखिएका सम्पूर्ण जन समुदाय अरु सबै कुरा बिर्सेर आफैमा रमेका देखिन्थे।

Monday, 28 January 2013

राष्ट्रिय होलोकस्ट सम्झना दिन वेल्स २०१३ मा हाम्रो सहभागिता


२८ जनवरी २०१३ सोमवारका दिन कार्डिफ काउन्सिलको आयोजनामा “राष्ट्रिय होलोकस्ट सम्झना दिन वेल्स २०१३”भब्य रुपमा सम्पन्न भएको छ। अंग्रेजी वर्ष १९३३ देखि १९४५ सम्म बिशेषगरि युरोपियन देशमा भएको उक्त भयानक हत्याकाण्ड कहिल्यै बिर्सन नसकिने घटना थियो। बिरलै मात्रामा पाईने मास हत्याकाण्डमा होलोकस्ट हत्याकाण्ड एक थियो भने उक्त हत्याकाण्डमा जम्मा जम्मी ११ मिलियन हत्यामा, ६ मिलियन जिविस जनता र १.१ मिलियन बच्चाबच्ची मारिएको अनुमान छ।नोकरशाही फासिस्ट शासन ब्यबश्थाले गरेको उक्त हत्याकाण्ड जातीय, प्रजातीय, धार्मिक, बैचारिक र राजनीनिक भिन्नता माथिको कहाली लाग्दो धम्कि थियो।

Wednesday, 14 November 2012

रिमेम्बरेन्स डे २०१२ कार्यक्रम र हाम्रो सहभागिता

बेलायत/ कार्डिफ,
११ नोभेम्बर २०१२ आईतवारका दिन ब्रिटिश लिजन कार्डिफ र कार्डिफ काउन्सिलको संयुक्त आयोजनामा रिमेम्बरेन्स डे २०१२ कार्यक्रम भब्य रुपमा सम्पन्न भयो| उक्त कार्यक्रमको अबसरमा वेल्स नेपाली समुदायको तर्फबाट भुतपुर्ब गोर्खा सैनिक, वहाँका परिवारका सदस्यहरुका साथै अन्य नेपाली दाजुभाई तथा दिदीबहिनीहरुको उल्लेख्य सहभागिता रहेको थियो|

Monday, 12 November 2012

दशैं-तिहार २०६९ कार्यक्रम भब्य रुपमा सम्पन्न

बेलायत / कार्डिफ ,१० नोभेम्बर २०१२, शनिवार,
हरेक बर्ष जस्तै यस वर्ष पनि वेल्स नेपाली समुदायले भब्य रुपमा दशैँ - तिहार २०६९ कार्यक्रम को आयोजना गरी कार्डिफ तथा वेल्समा  बसोबास गर्ने नेपालीहरु बीच एकता र भाइचारा लाई कायम राख्दै नेपाली परम्परा , संस्कृति र कलालाई जीवन्त राख्ने प्रयास गरेको छ।
कार्यक्रम कार्डिफको रोथ कन्जरभेटीब क्लबमा यही नोभेम्बर 10 तारिखमा सम्पन्न भएको थियो भने  आफ्नो कार्य ब्यस्थतालाई एकातिर पन्छाउदै सम्पूर्ण नेपालीहरुको उक्त कार्यक्रममा उपस्थिती थियो। तीन चरण मा विभाजित कार्यक्रम को पहिलो चरण संस्थाका सह-सचिव श्री महेश देवकोटा ज्यूले  कवितामय रुपले उपस्थित महानुभाबहरु लाई दशैं र तिहारको शुभकामना तथा कार्यक्रम को शुभारम्भ गर्नु भएको थियो। संस्थाका अध्यक्ष श्री पूर्ण चन्द्र लिङ्देन ज्यूले स्वागत मन्तब्य दिनु भएको थियो। त्यसैगरी संस्थाकी सह-कोषाध्यक्ष  श्रीमती लक्ष्मी अधिकारी ज्यूले दशैं -तिहार र यसको महत्व बारे अंग्रेजी भाषामा जानकारी  दिनु  भएको थियो।